កែវ ស្រីណាក់ តួឯកក្នុងរឿង «ម្រេញគង្វាលឃ្វាលស្នេហ៍»
រាជធានីភ្នំពេញ ៖ កញ្ញាកែវ ស្រីណាក់ ក្នុងវ័យ២៣ឆ្នាំ ដោយមាននិស្ស័យស្រលាញ់ចូលចិត្តសិល្បៈសំដែងតាំងពីកុមារភាពមក ពេលបញ្ចប់ការសិក្សាត្រឹមថ្នាក់ទី១២ នាឆ្នាំ២០០៣ បានសំរេចចិត្តបណ្តែតជីវិតចូលប្រឡូកក្នុងវិស័យសិល្បៈសំដែងកាយ វិការខារ៉ាអូខេ និងភាពយន្ត។
រយៈពេល៧ឆ្នាំមកនេះ ទោះបីជាពុំទាន់មានកេរ្តិ៍ឈ្មោះល្បីយ៉ាងណាក៏ដោយ ក៏នាងមានមោទនភាពចំពោះទេពកោសល្យរបស់ខ្លួនយ៉ាងខ្លាំងដែលមាន ឱកាសបានក្លាយជាតួឯកក្នុងរឿង «ម្រេញគង្វាលឃ្វាលស្នេហ៍» ។ កញ្ញាកែវ ស្រីណាក់ រយៈពេល៧ឆ្នាំមកនេះធ្លាប់ចូលរួមសំដែងកាយវិការខារ៉ាអូខេឱ្យ ផលិតកម្មជាច្រើនទាំងក្នុង និងក្រៅប្រទេសដូចជាផលិតកម្មរៃមាស តោមាស, S.R, S.M និងចូលរួមសំដែងក្នុងវីដេអូភាគជាច្រើនរឿងឱ្យស្ថានីយទូរទស្សន៍ CTN ដូចជារឿង ស្នាមស្នេហ៍សមុទ្ររាម រឿងចិត្តសាវា រឿងចំណង៥ប្រការ និងថតឱ្យទូរទស្សន៍ប៉ុស្តិ៍លេខ៥ ក្នុងរឿង កម្មកេងប្រវញ្ចជាតួឯក។
ដោយសារតែមានទេព កោសល្យសំដែងល្អ គួបផ្សំនឹងកាយវិការរស់រវើកផងនោះ ធ្វើឱ្យជីវិតសិល្បៈរបស់នាងមានការរីកចំរើនជាបន្តបន្ទាប់។ កញ្ញាកែវ ស្រីណាក់ មានស្រុកកំណើតនៅស្រុកថ្មគោល ខេត្តបាត់ដំបង។ នាងមានបងប្អូន៦នាក់ស្រីទាំងអស់ ក្នុងនោះនាងជាកូនទី៥ ។ ស្រីណាក់ មករស់នៅភ្នំពេញ តាំងពីឆ្នាំ១៩៩៧ ក្នុងសង្កាត់កាកាប ខណ្ឌដង្កោ រាជធានី។ តារាសំដែងរូបនេះអះអាងថា ពេលនេះបេះដូងនាងនៅទំនេរ តែមិនទាន់ចង់មានស្នេហាទេ ព្រោះនាងមិនទាន់មានកេរ្តិ៍ឈ្មោះល្បីក្នុងពិភពសិល្បៈ ៕
